Visita guiada á exposición :
CENTENARIO DAS IRMANDADES DA FALA, SAÚDE e T
ERRA IRMÁ(N)S!
Anímate e ven á visita guiada por Pepe Barro, coordinador e deseñador desta mostra o mércores 13 de xullo ás 18h no Museo do Pobo Galego.
A Agrupación Cultural O Galo estima necesario espallar a labor das Irmandades da Fala e a recepción produtiva do seu traballo político e creativo, xa que sen elas non agromaría a Xeración Nos, o Instituto de Estudos Galegos, o Partido Galeguista ou Estatuto de Autonomía de 1936 e o actual. Coida ademais, que grande parte do seu ideario e reivindicacións seguen vixentes, non esquezamos que as loitaron polo/a:
- Uso e promoción da nosa lingua en todos os ámbitos e lugares
- Achegamento á poboación da nosa cultura e pola súa revitalización e inclusión nas poéticas dos movementos vangardistas.
- A salvagarda e dignificación da nosa identidade e do noso patrimonio
- A necesidade duns medios de comunicación de masas propiamente galegos
- Posta en vigor dos dereitos políticos de Galiza como nación e a entrada desta nos máis altos organismos políticos internacionais.
- A renovación da economía produtiva e financeira de Galiza, baixo criterios de sostibilidade e reversión de ganancias na nosa terra
- O recoñecemento dos dereitos das mulleres.
